Daar is wel 'n groep welmenende volwassenes wat hom probeer help en bystaan waar hulle kan. Ongelukkig is daar egter ook die kansvatters wat hom probeer uitbuit en hulle self ten koste van 'n weeskind verryk! Hierdie is 'n verhaal van vasbyt en deurdruk, ongeag allerhande beperkings en terugslae van die lewe. Tussendeur alles is daar natuurlik ook nog die wêreld se vele afgode, wat as struikelblokke 'n arm weeskind gereeld treiter. Die simboliek van die buiteblad is van 'n jong man wat 'n nuwe daeraad in sy lewe tegemoet stap.