"Hindi na natin kailangan ng ligaw-ligawan na 'yan. You love me, right? Then I'm yours and you're mine."

Firah was cynical when it comes to romantic relationships. Isa lang ang sineryoso niya—si Uranus, ang lalaking tinangka niyang akitin noon pero binato lang siya nito ng libro. Nagtampo siya nang husto rito kaya hindi niya ito pinansin sa loob ng ilang taon.

Pero pang-asar talaga minsan ang mga pakialamerong kapitbahay—este, ang tadhana, nang may magbukas-daan para magkalapit uli sila ni Uranus. Nasa panganib siya dahil sa isang stalker. Dahil doon ay nag-volunteer si Uranus na tumira sa bahay niya para maprotektahan siya, sa pamimilit na rin ng mga ka-village nila, kahit obvious naman na ipinagma-match lang sila ng mga iyon.

She was aware that everyone wanted her and Uranus to end up together. Kinabahan siya dahil nagtatagumpay ang mga fake Cupid na iyon na ibalik ang malagkit niyang pagtingin sa binata. Tuluyan na siyang sumuko nang sabihin ni Uranus na mahal siya nito.

Okay na sana ang lahat pero huli na ang lahat...